'n Reis deur die Bybel 

Ons het die voorreg gehad om in Januarie n deel van die Tuinroete te ry, van Jeffreysbaai tot by Plettenberg baai. Ek was opnuut bewus van die wonder van die skepping en van ons pragtige land. 

Sover as wat ons gery het, was ek bewus van die rykdom van dinge wat mens in di stukkie van ons land kan sien en beleef. Die see, woude, vols, riviere, ens. Daar is bv. staproetes, winkeltjies en eetplekke, reksprong, besienswaardighede soos die GROOT boom, ens. Dan is daar ook n klomp vakansie oorde en bosbou bedrywighede. Ek kan myself ook net indink hoeveel mense gereeld daarheen gaan om  navorsing te doen oor enige iets van swamme tot walvisse. 

Die Heilige Gees het met my begin praat oor die onuitputlikheid van God se Woord, wat soos n land is, en ons wat die Bybel lees, is soos toeriste of vakansiegangers wat die land deurkruis.  

Soos verskillende mense op verskillende maniere reis en die land leer ken, so kan ons die Bybel op verskillende maniere lees en leer ken.  

Ek wil graag n paar vergelykings tref en jou nooi om te identifiseer watter tipe Bybelleser jy is.  

Sommige van ons lees die Bybel soos mense wat hulle eie strandhuis het. Die adres is Ps 23 of 1 Kor 13. Die bekende bring rus en vrede. Of ons het tyddeel in die Nuwe Testament gekoop en daarom kom ons selde of nooit by die Ou Testamentiese Karoo en Kalahari uit. 

Dikwels lees ons soos iemand wat karavaan-vakansie hou. Dit maak nie saak watter deel jy uit die Bybel lees nie, jy vat jou eie bagasie saam en meet alles wat jy lees aan jou eie swaarkry of verwysingsraamwerk. God wil dalk met jou oor iets heel anders praat, maar omdat jou karavaan aangehaak bly, kan jy nie by al die mooi uitsigpunte en nuwe paadjies uitkom nie. 

Dan lees ons ook baie keer die Bybel soos toeriste wat van punt A tot punt B ry en hoogstens by n bekende Ultra-City stop, waar jy weer nuwe krag kan kry. Of soos die Chinese deur die wildtuin ry; Got the picture, next one! Ons lees haastig om klaar te kry, en vat nie tyd om te probeer verstaan wat daar werklik staan, of om te hoor wat God vir ons wil s nie.  

My man is n voorbeeld van iemand wat die interessantste plekkies in die Bybel kan opsoek, net soos my fotograaf seun dit  op n vakansie reg kry. Hy kan maar net nie verby n grondpad ry sonder om eers af te draai nie, om nie eers van n verlate huis te praat nie. So ontdek my man graag die vergete verhale van die Ou Testament en vertel dit dan vir ons by aandgodsdiens met kleur en geur. Dan moet ons dink wat ons daaruit kan leer. Het jy al die wrede verhaal van Samgar of die verhaal van die twee dapper vroue Sifra en Pua gehoor? My gunsteling romanse in die Bybel is Abigajil in 1 Samuel, se storie. Ek wens iemand wil n fliek oor haar maak.  

n Ander manier van vakansie hou is om n toerbus met n gids te gebruik. Dit is baie leersaam om deel te wees van n Bybelstudie groep of om n Bybelstudie handleiding te gebruik. Veral as jy n onbekende deel wil verken.

Ek en Jannie, my man, s altyd ons kinders het ons geleer om die klein dingetjies in die lewe raak te sien. Soos party seuntjies van kleins af sport of motor behep is, is ons oudste gogga- behep gebore. Dit het gemaak dat ons dikwels op snaakse plekke langs die pad moes stop om eers n paar nuwe spesies skerpioene te vang of soms in die veld moes gaan stap met die hoop om n slang te kry. So het elke reis n ontdekkingstog geword. Dan word alles opgeskryf, hoeveel spesies vols, diere, reptiele of selfs interessante plekname ons gesien het. Ek hou persoonlik daarvan om die Bybel ook so te lees. Om heeltyd op soek te wees na n waarheid in die Bybel wat ek van toepassing op my lewe kan maak. Ek maak gedurig lysies voor en agter in my Bybel oor versies wat bv. handel oor genade of vryheid in Christus of vrede, ens. Ek merk ook konsepte soos genade, God se name, God se beloftes ens. met verskillende kleure. So word die reis deur die Bybel n kleurvolle avontuur. 

So kan ek seker nog baie maniere van reis deur die Woord noem, maar ek wil eers hierby volstaan. 

Wil jy nie n tydjie vat en dink oor hoe goed  jy  die inhoud van die Woord ken? Ken jy ook die klein  Karoo dorpies van die Woord? Waaroor handel Esra? Of kuier jy maar by die groter dorpe soos Matteus? 

Ken jy die pad van genade wat God met Sy volk gestap het, soos jy die pad af Hartenbos toe, ken? Ken jy die skakel tussen die Ou- en Nuwe Testament soos jy die grenspos tussen SA en Mosambiek ken? Het jy gunsteling hoofstukke waar jy God se teenwoordigheid beleef as jy dit lees? Daardie wat soos n rusplek langs die snelweg vir jou weer krag gee vir die pad vorentoe?

Kan jy die pad na n lewe saam met Christus aan n ongelowige verduidelik soos jy die pad na jou huis aan n vreemdeling kan verduidelik? 

God se Woord is so onuitputlik groot. Ek wil jou aanmoedig om voorraad op te neem van watter dele jy dalk nog nie gesien het nie en moeite te doen om daarheen te reis, of om dalk stadiger en meer intens te reis.

Dalk is jou paadjie na jou strandhuis hoofstukke al so vas getrap dat die pad te hard is vir die saad wat daar val om te groei. Dalk moet jy jou karavaan so bietjie afhaak en leeg na God toe gaan om te hoor wat Hy vir jou wil s oor ander fasette van jou lewe as die egskeiding of jou siekte of beloftes dat God jou groot gaan gebruik. 

Ek sluit af met twee teksverse:

Sp 4:11 Ek sal jou leer wat die pad van die wysheid is en jou die regte koers laat loop.  

Psalm 119:133 Laat U Woord my op die regte pad hou; moet tog nie dat enige kwaad die oorhand oor my kry nie.  

Retha de Villiers
www.lewenssaad.co.za

16 Januarie 2012

<TERUG NA BO